Messi, fituesi i Topit të Artë 2019!

Pritja tashmë përfundoi! Ceremonia e Topit të Artë 2019 u mbajt këtë mbrëmje në Paris dhe fituesi i topit të artë është Lionel Messi!

Lajmet që qarkulluan në vigjilje të kësaj ceremonie rezultuan të sakta dhe argjentinasi bëhet kështu futbollisti i parë që fiton plot 6 herë cmimin prestigjoz. Menjëherë pas tij u renditën Virgil Van Dijk, Cristiano Ronaldo dhe Sadio Mane.

Më herët u dhanë edhe cmimet e tjera të planifikuara për tu akorduar këtë mbrëmje fituesit e të cilëve ishin si në vijim:

• Topi i Artë për femra: Megan Rapinoe
• Yachine Trophy: Alisson Becker
• Kopa Trophy: Mathijs de Ligt

Padyshim të gjithë janë cmime të rëndësishëm, por më i madhi mbetet ai i fituar prej Messi. Argjentinasi pati një sezon fantastik me Barcelonën ku arriti të fitonte La Liga dhe njëkohësisht Këpucën e Artë si golashënuesi më i mirë në kampionatet europiane.

Tashmë Messi zotëron një Top të Artë më shumë se rival i tij Cristiano Ronaldo, i cili është gjithashtu fituesi i topit të artë për vitet e shkuara. Ky fakt do ti japë cmimit të këtij viti një rëndësi të vecantë në sytë e një njeriu që tashmë duhet të ishte mësuar me fitimin e tij.  

Si cdo vit do të ketë polemika, kundërshtime dhe debate. Diskutimi për më të mirin e historisë do të vazhdojë përjetësisht, por për sa i përket Topit të Artë 2019 historia do të njohë vetëm një fitues dhe ai është Lionel Messi.