Formula 1

Lewis Hamilton mendon largimin nga “Mercedes”

by
Alteo C
December 2, 2019

Lewis Hamilton ka deklaruar së fundmi se është e rëndësishme të konsiderojë me kujdes se për cilën skuderi do të garojë në 2021. 34 vjeçari ka ende një vit kontratë me “Mercedes” dhe është në qëndër të spekullimeve për një lëvizje të mundshme te “Ferrari”.

“Më pëlqen këtu ku jam dhe sigurisht që nuk është një vendim i lehtë për tu hedhur te diçka tjetër”, deklaroi Hamilton. “Vendimi i duhur do të ishte të mendohesha gjatë për atë se cfarë dua, sidomos nëse bëhet fjalë për fazën e fundit të karrierës time.”

Kampioni i botës refuzoi të konfirmonte ose hidhte poshtë akuzat se kishte patur një takim me drejtuesin e skuderisë “Ferrari”, John Elkann dy herë këtë vit.

“ Çfarëdo që ndodh brenda dyerve të mbyllura është private, pavarësisht personit me të cilin takohesh.”, shtoi Hamilton për mediat. “ Për shumë vite nuk kam konsideruar asnjë opsion tjetër. Natyrisht unë dua ende të fitoj dhe nuk mund tju them me siguri se çfarë do të ndodhë në të ardhmen.”

Suksesi i Lewis Hamilton me “Mercedes” në Formula 1,e ka afruar anglezin shumë pranë rekordeve të vendosura nga legjenda gjermane Michael Schuamacher. Fitorja e Hamilton në Abu Dhabi ishte e 84-ta e karrierës së tij. Ndërkohë rekordi absolut i mbajtur nga Schuamacher është 91 fitore. Vitin tjetër Hamilton do të garojë si favorit potencial për të barazuar rekordin e gjermanit.

Ndërkohë drejtuesi kryesor i “Mercedes”, Toto Wolff, beson se ekziston një mundësi e fortë që Lewis Hamilton të nënshkruajë një kontratë të re me skuderinë e tij. “

Ekziston një mundësi 75% që Lewis të vazhdojë kontratën e tij me “Mercedes”, po jua jap këtë numër sepse arsyetimet racionale të çojnë në vazhdimin e partneritetit mes nesh.

Por gjithmone është një 25% të cilin ne nuk e kemi në kontroll.”, u shpreh Toto Wolff mbi situatën. Tani na mbetet vetëm të presim sezonin e ri të Formula 1, sepse surprizat duken të garantuara.

Related TopicsFerrari Formula 1 Hamilton Lewis Hamilton Mercedes

Alteo C

Alteo është një kontribues kryesor në "Portali Sportiv". Ka një eksperiencë disa vjeçare në fushën e gazetarisë sportive! Përcjell me pasion lajmin drejt audiencës tonë!

3 Comments