Connect with us

Champions League

Corona gjunjëzon Europën, futbolli ndalet, ja kampionatet që preken

coronavirus

Coronavirus është kthyer tashmë në një problem mjaft të madh për të gjithë botën. Virusi ende i panjohur ka paralizuar shumë shtete të Europës, dhe sigurisht dhe veprimtaritë sportive.

Në një situatë të tillë ku shumica e qeverive po bëjnë thirrje për izolim dhe shmangie të organizimeve të mëdha, e ardhmja e futbollit dhe jo vetëm duket në rrezik.

Më poshtë është një pasqyrë e masave të marra deri më tani, në lidhje me zhvillimin e aktiviteteve kryesore sportive në Europë dhe jo vetëm:

Ndeshja e kthimit mes Real Madrid dhe Manchester City, e vlefshme për Champions League, është shtyrë në një moment të dytë. Kjo pasi një lojtar i skuadrës së basketbollit të Real Madrid rezultoi pozitiv për coronavirus. Kjo detyroi dhe skuadrën e futbollit të futet në karantinë, pasi ndajnë të njejtat facilitete me skuadrën e basketbollit.

Hapja e sezonit të ri të Formula 1 në Australi është anulluar. Kjo pasi një pjesëtar i skuderisë McLaren rezultoi pozitiv për coronavirus. Ky zhvillim i papritur vë në mëdyshje zhvillimin e gjithë sezonit të ri të Formula 1.

La Liga, një nga kampionatet më elitare të futbollit në Europë ka anulluar ndeshjet për të paktën dy raundet e ardhshme. Kjo vjen si një masë parandaluese për të shmangur përhapjen në masë të virusit si në rastin e Italisë.

Në Amerikë, NBA ka anulluar të gjitha përballjet e saj deri në një njoftim të dytë. Masa erdhi pasi një lojtar i Utah Jazz rezultoi pozitiv me coronavirus.

Në Angli, tre lojtarë të Leicester City janë vetëizoluar pasi kanë shfaqur simptoma të virusit. Ndërkohë shumë lojtarë të tjerë të Premier League kanë kërkuar ndaljen e kampionatit për të mbrojtur futbollistët ,por dhe stafin nga pandemia që ka prekur botën.

Sulmuesi i Sampdorias, Manolo Gabbiadini rezulton pozitiv me coronavirus. Futbollisti i bashkohet kështu mbrojtësit të Juventus, Daniele Rugani i cili gjithashtu rezultoi pozitiv vetëm dy ditë më parë, duke detyruar Juventus të karantinohet së bashku me stafin.

Finalja e kupës së Spanjës mes Athletic Bilbao dhe Real Sociedad është shtyrë në një datë të dytë.

Gjithashtu, mundësia e shtyrjes së Euro 2020 do të diskutohet nga UEFA në ditët në vijim. 

Alteo është një kontribues kryesor në "Portali Sportiv". Ka një eksperiencë disa vjeçare në fushën e gazetarisë sportive! Përcjell me pasion lajmin drejt audiencës tonë!

Click to comment

Leave a Reply

Your email address will not be published.

More in Champions League