Connect with us

Bundesliga

Lewandowski dëmtohet dhe do të mungojë katër javë

Lewandowski, Bayern Munich

Sulmuesi 31-vjecar i Bayern Munich ka pësuar një dëmtim gjatë fitores së skuadrës së tij në Stamford Bridge përballë Chelsea, si pasojë ai do të mungojë në disa ndeshje në një pikë të rëndësishme të sezonit.

Bayern Munich arriti një fitore bindëse në fushën e Chelsea, por ky dëmtim i sulmuesit polak e ka zbehur disi entuziazmin e fitores. Bëhet fjalë për një dëmtim në gjurin e majtë dhe si pasojë sulmuesi do të mungojë në ndeshjen e kthimit të Champions League në Allianz Arena.

Rezultati i ndeshjes së parë bën që Bayern Munich të jetë shumë pranë cerekfinaleve, por në kompeticionet e tjera, mungesa e Lewandowski pritet ti vërë në vështirësi rekordmenët gjermanë. Përvec ndeshjeve të Bundesliga, polaku do të humbasë edhe cerekfinale e Kupës së Gjermanisë në të cilën Bayern do të ketë përballë Schalke.

Në javët në vijim të Bundesliga, Bayern Munich do të luajë ndaj Hoffenheim, Augsburg, Union Berlin dhe Frankfurt, ndeshje në të cilat Lewandowski do të mungojë. Megjithatë ai pritet të rikthehet në përpara përballjes me Dortmund, që janë rivalë të bavarezëve për titullin kampion të këtij sezoni.

Lewandowski është duke bërë një sezon fantastik deri më tani me 39 gola të shënuar në 33 ndeshje në të gjitha kompeticionet dhe është për të ardhur keq që forma e tij të ndërpritet nga një dëmtim në këtë moment të sezonit.

Tashmë mbetet për tu parë se cila do të jetë zgjidhja e trajnerit Flick për të zëvendësuar mungesën e polakut. Opsioni më i mundëshmë duket se është vendosja e Muller në qendër të sulmit, por gjermani do ta ketë të vështirë të ketë impaktin e shokut të tij të ekipit.

Pavarësisht se nuk ka qenë sezoni më mbresëlënës për Bayern Munich, bavarezët gjithsesi janë në garë për tre kompeticione madhore. Fitorja ndaj Chelsea i jep mjaft besim skuadrës për ecurinë në Champions League.

Ndërsa në Bundesliga dhe Kupën e Gjermanisë, nëse kjo periudhë pa Lewandowski përballohet me sukses, Bayern Munich payshim do të vazhdojë të jetë pretendenti kryesor.

Lajdan është një nga kontribuesit kryesorë të "Portali Sportiv", me një pasion për gazetarinë sportive ai ka treguar gjithmonë një nivel të lartë profesional në përcjelljen e lajmit tek audienca jonë!

Click to comment

Leave a Reply

Your email address will not be published.

More in Bundesliga