Pochetino mund të rikthehet në Premier League

Trajneri argjentinas është ende në pritje të sfidës së rradhës në karrierën e tij. Pas shkarkimit nga Tottenham kanë qarkulluar disa emra ekipesh si kandidate të mundshme për emërimin e ti, kryesisht jashtë Premier League. Megjithatë duket se Pochetino e pëlqen idenë që klubi i tij i ardhshëm të jetë sërish në futbollin anglez.

Në një intervistë të ditëve të fundit ai u shreh:

“Të jem i sinqertë, do të më pëlqente shumë të punoja në Premier League. Ka për të qenë e vështirë, e di këtë gjë, dhe tani për tani është momenti për të pritur dhe për të parë cdo të ndodhë.”

“Jam gati dhe në pritje për sfidën e rradhës. Kam besimin se projekti i rradhës do të jetë fantastik.”

Pochetino kaloi 5 vite në stolin e Tottenham dhe në 4 sezonet e fundit të tij arriti cdo herë ta kualifikonte skuadrën në Champions League. Gjithashtu Tottenham i tij u rendit i dyti në Premier League në 2016/17 dhe arriti në finale e Champions League sezonin e shkuar.

Edhe pse nuk arriti të fitonte trofe, aventura e tij tek Spurs do të mbahet mend si sukses, sepse me të në stol klubi arriti të kalonte në një nivel më të lartë.

Në lidhje me këtë Pochetino tha:

“Sigurisht që ndihem krenar për gjithcka që arrita tek Tottenham dhe kur analizoj periudhën që kalova atje, arrij në konkluzionin se ndodhën shumë gjëra pozitive.”

“Unë u emërova në një moment të rëndësishëm të klubit. Cdo gjë që duhet të bëja ishte disi e frikshme në ato momente. Shembja e White Hart Lane dhe ndërtimi i stadiumit të ri, të luanim ndeshjet në Wembley, vetëm njerëzit në brendësi të botës së futbollit e kuptojnë vështirësinë e këtyre situatave.”

“Aplikimi i një filozofie të re dhe ideve të reja ishte e vështirë, por ndihem krenar për suksesin që patëm dhe kalimin e Tottenham në një nivel tjetër.”

Pavarësisht shkarkimit nga Tottenham, Pochetino mbetet një prej trajnerëve më të mirë në Europë. Është ende e paqartë se cili do të jetë skuadra e rradhës, por nëse do të rikthehej në Premier League, opsioni më konkret duket Manchester United. Megjithatë për momentin mundemi vetëm të supozojmë.