Futboll

Sandro Tonali, talenti që ka vënë në luftë PSG dhe Juventus

by
Alteo C
December 4, 2019

Paris Saint-Germain sipas raportimeve është duke përgatitur një ofertë për talentin italian Sandro Tonali.

Lojtari vetëm 19 vjeçar aktivizohet për Brescia në Serie A. Ai luan si mesfushor dhe sezonin e kaluar u shpall futbollisti i vitit në Serie B. Rrjedhimisht ishte një nga lojtarët kyç që ndihmoi Brescian të ngjitej në elitën e futbollit italian.

Sigurisht performancat e mira nuk mund të kalonin pa u vënë re, dhe përveç PSG, Sandro Tonali ka tërhequr dhe vëmendjen e Juventus, Manchester United dhe Manchester City.

Italiani ka shënuar 1 gol në 17 paraqitje me klubin e tij dhe kombëtaren italiane.

Raportimet në Francë tregojnë se PSG duket më afër dhe më e interesuar për të blerë Sandro Tonali dhe përfaqësuesit e klubit francez janë duke vëzhguar paraqitjet e tij.

Megjithatë ende mungon një ofertë zyrtare nga parizienët, por pritet që klubi të marrë një vendim në javët e ardhshme.

Ndërkohë duket se dhe drejtuesit e Juventus kanë filluar lëvizjet e tyre. Drejtori sportiv i Juventus, Fabio Paratici thuhet se ka filluar bisedimet me Brescian për mesfushorin e talentuar italian.

Sipas burimeve të Tuttosport thuhet se dhe skuadra e Inter po vëzhgon në heshtje Tonalin, kurse në Angli, 19 vjeçari është i preferuari i Pep Guardiolas.

Trajneri i Manchester City e sheh lojtarin e ri si blerjen perfekte për të përforcuar mesfushën e skuadrës së tij.

Ndërkaq vet Sandro Tonali është i prirur të pranojë një lëvizje drejt një klubi tjetër europian, duke marrë parasysh dhe faktin, që skuadra e Brescia-s gjendet në vendin e fundit në klasifikimin e Serie A.Tani mbetet të shohim se çfarë do të rezervojë merkatoja e janarit për 19 vjeçarin e talentuar.

Related Topicsbrescia futboll Juventus lajme serie A lajme sportive PSG sandro tonali serie a

Alteo C

Alteo është një kontribues kryesor në "Portali Sportiv". Ka një eksperiencë disa vjeçare në fushën e gazetarisë sportive! Përcjell me pasion lajmin drejt audiencës tonë!

Click to comment