Connect with us

Futboll

Federico Valverde i kërkon falje Moratës: “Ishte zgjidhja e vetme”

federico valverde

Mesfushori Federico Valverde u shpall lojtari i ndeshjes në finalen e Superkupës së Spanjës mes Real Madrid dhe rivalëve të Atletico Madrid.

Valverde u ndëshkua me karton të kuq në një episod mjaft dramatik në minutat shtesë të derbit madrilen. Koha e rregullt u mbyll në barazim pa gola dhe skuadrat iu drejtuan kohës shtesë.

Në minutën e 115’, shumë pranë përfundimit të ndeshjes, Alvaro Morata merr një pasim mjaft të bukur, duke lënë pas mbrojtjen madrilene dhe duke iu afruar i vetëm portës. 

Në këtë momente Federico Valverde, i gjendur pak prapa Moratës, ndërmerr aksionin ekstrem duke i ndërhyrë nga prapa dhe duke shtrirë në tokë sulmuesin e Atleticos.

Një ndërhyrje totalisht e parregullt, Valverde ndëshkohet me kartonin e kuq, por i heq shansin e artë djemëve të Simeones për të rrëmbyer trofeun vetëm 5 minuta nga fundi.

E gjithë skuadra e Atleticos reagoi furishëm ndaj ndërhyrjes së mesfushorit , por tashmë gjithçka kishte përfunduar. Skuadrat iu drejtuan pikes së bardhë të penalltive. Real Madrid triumfoi falë një super paraqitje të portierit Thibaut Courtois.

Ndeshja mbyllet në rezultatin 4-1 dhe Zinedine Zidane vendos një tjetër rekord të jashtëzakonshëm në Madrid; 9 finale të fituara nga 9 të luajtura.

Në konferencën pas ndeshjes Federico Valverde foli për ndërhyrjen e tij që rezultoi kyçe për madrilenët: 

“I kërkoj falje Alvaro Moratës. E di se ajo që bëra nuk ishte gjëja e duhur, por duhej të veproja. Nuk kisha asnjë zgjidhje tjetër.”

Mesfushori gjithashtu komentoi rreth sezonit të tij në Madrid:

“Jam shumë i lumtur. Gjërat po shkojnë mirë. Po marr minuta në fushë dhe skuadra po fiton, është fantastike. Përveç kësaj për pak kohë do të bëhem dhe baba. Po ndodhin kaq shumë gjëra pozitive kohët e fundit në jetën time dhe po mundohem t’i shijoj në maksimum.”, deklaroi i besuari i Zinedine Zidane.

Alteo është një kontribues kryesor në "Portali Sportiv". Ka një eksperiencë disa vjeçare në fushën e gazetarisë sportive! Përcjell me pasion lajmin drejt audiencës tonë!

Click to comment

Leave a Reply

Your email address will not be published.

More in Futboll