David Silva është rikthyer nga pensionimi në moshën 40-vjeçare për t’iu bashkuar Sha Tinit, klub që garon në Premier League të Hong Kongut. Ish-mesfushori i Manchester Cityt nis kështu një kapitull të ri pas tërheqjes nga futbolli në vitin 2023.
Spanjolli e kishte ndërprerë karrierën pasi pësoi këputje të ligamentit të kryqëzuar të përparmë gjatë stërvitjeve përgatitore me Real Sociedadin.
Sha Tini njoftoi se Silva do të mbërrijë së shpejti në Hong Kong për t’u përshtatur dhe për t’iu bashkuar stërvitjeve të skuadrës. Para debutimit, ai do të punojë për të arritur gjendjen e nevojshme fizike për ndeshje.
Në një video të publikuar në Instagram, Silva shprehu entuziazmin për të luajtur në Hong Kong dhe për të njohur kulturën vendëse dhe ushqimin në Sha Tin.
Gjatë dhjetë vjetëve te Manchester City, Silva fitoi 11 trofe të rëndësishëm, përfshirë katër tituj të Premier League. Ai ka edhe një statujë jashtë stadiumit Etihad. Me Spanjën fitoi Kupën e Botës më 2010 dhe dy Kampionate Evropiane.
Sha Tini renditet i teti në kampionat pas katër ndeshjeve. Takimin e radhës e ka më 18 tetor kundër Hong Kong Football Club. /BBC
Raporto një pasaktësi
