Drita ka zyrtarizuar më 21 shtator 2026 afrimin e Besar Halimit. Mesfushori 31-vjeçar i bashkohet kampiones në fuqi të Kosovës, duke u kthyer në Gjilan për të luajtur me klubin e qytetit të tij.
Prezantimi u bë përmes një njoftimi në rrjetet sociale. Klubi e mirëpriti Halimin dhe shprehu pritjet që ai të kontribuojë në sfidat e ardhshme të skuadrës bardhekaltër.
Halimi së fundmi ishte pjesë e Raja Casablanca në Marok. Me kalimin te Drita, mesfushori e vazhdon karrierën në Superligën e Kosovës, pas përvojave në disa klube jashtë vendit.
Rrugëtimi i tij nisi te Stuttgart Kickers. Më pas ai luajti për Mainz, Brøndby, Sandhausen, Riga, Apollon, Hallescher dhe Slask Wrocław, përpara angazhimit në futbollin maroken.
Përveç karrierës në klube, Halimi ka regjistruar 32 paraqitje me Kombëtaren e Kosovës. Në këto ndeshje, mesfushori ka shënuar tre gola. /TELEGRAFI
Raporto një pasaktësi
