Interi i ka paraqitur Hakan Çalhanoglus një ofertë për rinovimin e kontratës me pagë bazë më të ulët dhe me një pjesë të të ardhurave të lidhur me bonuse, sipas raportimit të FC Inter 1908.

Kontrata aktuale e mesfushorit turk skadon më 30 qershor 2027. Klubi po negocion me përfaqësuesin e tij, Gordon Stipic, për vazhdimin e bashkëpunimit.

Çalhanoglu dëshiron të qëndrojë te Interi. Agjenti i tij po shqyrton kushtet financiare dhe strukturën e pagesës, ndërsa nuk përjashtohet mundësia që pala e lojtarit të paraqesë një kundërofertë.

Bonuset e propozuara lidhen kryesisht me numrin e paraqitjeve, në përputhje me politikën e klubit për rinovimin e kontratave të futbollistëve mbi 30 vjeç.

Drejtori sportiv Dario Baccin ka konfirmuar nisjen e bisedimeve. Ai ka theksuar se Interi synon të ruajë nivelin e skuadrës duke respektuar kufijtë financiarë, pa u ngutur për të arritur një marrëveshje. /GOAL

Raporto një pasaktësi